ಚಿತ್ರ ಕವನ

ಸಂಕಲ್ಪ

ಅಂದು ನೀನಾರೊ
ನಾನಾರೊ
ಸಂಸಾರ ಸಮೇತ
ನಮ್ಮನೆಗೆ ಬಂದೆ
ವಧು ಶಾಸ್ತ್ರ ಮುಗಿಸಿ
ಹಿರಿಯರೊಪ್ಪಿದ
ಗಂಡು ನೀನು.

ಅವರಣತಿಯಂತೆ
ನಡೆದೇ ಹೋಯಿತು
ನಮ್ಮಿಬ್ಬರ ಮದುವೆ
ಸುತ್ತೆಲ್ಲ ತಳಿರು ತೋರಣ
ಜಗಮಗಿಸುವ ಬೆಳಕಿನ ಮಾಲೆ
ಗುರು ಹಿರಿಯರ ಆಶೀರ್ವಾದ
ಮಂತ್ರ ಘೋಷದಲ್ಲಿ.

ಗೊತ್ತು ಮಾಡಿಕೊಳ್ಳುವ ತವಕ
ಗೊತ್ತಿಲ್ಲದ ನಿನ್ನ ಹೃದಯದಲ್ಲಿ
ಒಳಗೊಳಗೆ ನಡುಕ
ತುಟಿ ಅದುರಿ
ಗಂಟಲು ಬಾಯಾರಿ
ದಿಗಿಲು ಮನತುಂಬ
ಮುಂದೆ ನನ್ನ ಜೀವನ
ಹೇಗೊ ಏನೊ
ಅರಿವಿಲ್ಲದ ದಾಂಪತ್ಯವಿಲ್ಲಿ.

ಅಂದು ಸುಂದರ ಸಂಜೆ
ತಂಗಾಳಿಯ ತಂಪೆಲರು
ಮನ ಹೂವಾಗಿ ಕುಣಿತಿತ್ತು
ನಿನ್ನ ಸಂಘವ ಬಯಸಿ
ಆ ಕೆರೆ ಗುಂಟ
ನನ್ನ ಕೈ ಪಿಡಿದು ನಡೆದಾಗ.

ಅಲ್ಲೆ ಕಲ್ಲು ಬೇಂಚಿನ ಮೇಲೆ
ಕುಳ್ಳಿರಿಸಿ ಅಕ್ಕರೆಯಲಿ ಕೇಳಿದೆ
“ನೀ ಆಗಿರುವೆಯಾ ಸಖೀ
ನನ್ನ ಮನದ ನಂದಾ ದೀಪ!”

ಹುಚ್ಚೆದ್ದ ಮನದ
ಕನಸು ನನಸಾಗಿಸುವ ಭರವಸೆ
ಇದೆ ಅಲ್ಲವೆ ಪ್ರತಿ ಹೆಣ್ಣು ಬಯಸುವುದು!

ಆಗಲೇ ನಿನ್ನ ಕೈ ಮೇಲೆ
ಬಳೆ ತೊಟ್ಟ ಕೈ
ಇಟ್ಟು ಮಾಡಿತು ಆಣೆ
ಕಲ್ಲಿರಲಿ, ಮುಳ್ಳಿರಲಿ
ಜೊತೆಯಾಗಿ ಸಾಗುವಾ ಹೀಗೆ
ಇದಕೆ
ನೀನಿಟ್ಟ ಉಂಗುರವೆ ಸಾಕ್ಷಿ..!!

4-5-2017. 1.38pm

ಭರವಸೆ

ಏಕೆ ಕೊರಗುವೆ
ಹೇಳು ಗೆಳೆಯಾ
ಜೊತೆ ನಾನಿಲ್ಲವೆ
ನಿನ್ನೊಂದಿಗೆ ಹೆಜ್ಜೆ ಇಡಲು.

ಆರಾರು ಅಂದರೇನು
ಬಿಡು ನೀ ಅದರ ಚಿಂತೆ
ಅನ್ನುವವರ ಬಾಯಿ
ಮುಚ್ಚಬಹುದೆ ಹೇಳು.

ದೇವರು ಕೊಟ್ಟ ರೂಪ
ತುಂಬು ಮನದಿ ಸ್ವೀಕರಿಸು
ಅನ್ಯೋನ್ಯ ಬದುಕಿಗೆ
ರೂಪ ಮುಖ್ಯ ಅಲ್ಲವೇ ಅಲ್ಲ.

ಇದನರಿಯದ ಮನುಜರು
ಸೌಂದರ್ಯಕೆ ದಾಸರಾಗಿಹರು
ಮದುವೆ ಎಂಬ ಮೂರಕ್ಷರ
ಹಲವರಿಗೆ ಕನಸಾಗಿಹುದು.

ಸಾಕು ಬಿಡು ನನ್ನ ಗೆಳೆಯಾ
ನಿನ್ನ ವ್ಯರ್ಥ ಪ್ರಲಾಪ
ಇಲ್ಲಿ ಯಾರೂ ಶಾಶ್ವತರಲ್ಲ
ಮಲಗುವರು ಆರಡಿ ಮೂರಡಿಯಲ್ಲಿ.

ಮನ ಕಲ್ಲಾಗಿಸಿಕೊ ನೀಲ ನಭದಂತೆ
ಹಚ್ಚು ಬಾಳಲ್ಲಿ ಆರದ ಬೆಳಕು
ನೀ ತೊಡಿಸಿದ ಬಳೆ ಉಂಗುರ
ಶಾಶ್ವತವಾಗಿ ನನ್ನ ಕೈಯಲ್ಲಿರುವಂತೆ.

7-5-2017 9.09am

Advertisements

ಲೇಖಕರು: Sangeeta Kalmane

Ex (VRS) employee in co-op bank. Now leading retired life. ಬದುಕಿನ ಬಂಡಿಯಲ್ಲಿ ಊರೂರು ಅಲೆದು ಬೆಂಗಳೂರಿನಲ್ಲೀಗ ನನ್ನ ತಾಣ ಇನ್ನೂ ಮುಗಿದಿಲ್ಲ ಯಾನ. ಸಾಗಿದೆ ನಿಮ್ಮೊಂದಿಗೆ ಮನಸಿನ ಪ್ರಯಾಣ!

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s