Fb ಕವನಗಳು

ಮುಖ ಪುಸ್ತಕದಲ್ಲಿ ಪ್ರಕಟವಾದ ಕೆಲವರ ಬರವಣಿಗೆ ಓದುತ್ತಾ ಹುಟ್ಟಿಕೊಂಡ ಕವನಗಳು. ಕವಿತೆಗೆ ತಾರತಮ್ಯ ಇಲ್ಲ. ಎಲ್ಲಂದರಲ್ಲಿ ಆ ಕ್ಷಣದ ಭಾವನೆಗಳನ್ನು ಭಟ್ಟಿ ಇಳಿಸುವ ಚಾಕಚಕ್ಯತೆಯ ಕವಿತೆಗೆ ನಾ ಶರಣು!
^^^^^^^^^^^^^^^^^^^^^^^^^^^^^^^^^^^^^^^^^
ಅವಸ್ಥೆ

ರಾಖೀ ಹಬ್ಬ ಬಂದರೆ
ರಾಖೀ ಸಾವಂತ ನೆನಪಾಗ್ತಾಳೆ
ಪ್ರಕೃತಿ ರಮ್ಯವಾಗಿದೆ ಹೇಳಬೇಕೆಂದರೆ
ರಮ್ಯಾ ನೆನಪಾಗ್ತಾಳೆ
ಯಾರಿಗಾದರೂ ಸನ್ನಿ ಆಯಿತು ಅಂದರೆ
ಸನ್ನಿ ಲಿಯೋನ್ ನೆನಪಾಗ್ತಾಳೆ..
ಥೊ^^^ ಎಂಥಾ ಮಾಡದಪ್ಪಾ
Just ಹುಡುಗರ ಗೋಳು
ಬೇಡ ಕಂಡ್ರೊ ನೆನಪಿಸಿಕೊಳ್ಳಬೇಡಿ ಅಂದ್ರೂ ಕೇಳಲ್ಲ
ಮನಸು ಮುಗಿ ಬಿದ್ದು ಅವರಿಂದಲೇ ಹೋಗುತ್ತೆ ಅಂತಾರೆ
ಆಗ ನಾನು ಹೇಳ್ತೀನಿ
ಎಲ್ಲಾ fb ಮಹಿಮೆ ಕಂಡ್ರೊ
ಎಲ್ಲಿ ನೋಡಿದರೂ ಇವರದ್ದೆ ಬರಹ ಪಿಕ್ಕಿನ ಓಡಾಟ
ಕವಿಗಳ ಪ್ರೇಮ ಕವನ
ಅಯ್ಯೋ ಪಾಪ!!😊
(ಕಲ್ಪನೆ)
8-7-2017. 2.06pm
^^^^^^^^^^^^^^^^^^^^^^^^^^^^^^^^^^^^^^^^^
ದೇವರು

ಯಾವ ಜನಾಂಗ ಯಾವ ದೇವರನು ಪೂಜಿಸಿದರೇನು?
ಸಮಾಜ ಬದಲಾಗುತ್ತಾ?
ಜೀವನ ಬದಲಾಗುತ್ತಾ?
ಕಷ್ಟ ದೂರವಾಗುತ್ತಾ?
ಏನೂ ಇಲ್ಲ.
ಮೊದಲು ಮಾನವನಾಗಿ ಬದುಕುವುದ ಕಲಿ.
ದೇವರು ನನಗೇನು ಕೊಟ್ಟ?
ಸಮಾಜ ನನಗೇನು ಕೊಟ್ಟಿತು?
ಇನ್ನೊಬ್ಬರು ನನಗೇನು ಮಾಡಿದರು?
ಎಂದು ಹಲುಬಭುವ ಬದಲು
ನಾನು ಯಾರಿಗೇನು ಮಾಡಿದೆ?
ಎಂದು ಮೌನವಾಗಿ ಕುಳಿತು
ನಿನ್ನನ್ನೇ ನೀನು ಅವಲೋಕಿಸಿಕೊ
ತಪ್ಪು ಅರಿವಾಗಿ ಉದ್ಧಾರವಾಗುವೆ
ಸಮಾಜವೂ ಉದ್ಧಾರವಾದೀತು.
ದೇವರು ನಿನ್ನಲ್ಲೇ ಇರುವಾ
ಅವನೇ ನಿನ್ನಾತ್ಮ.
12-8-2017. 8.51am

^^^^^^^^^^^^^^^^^^^^^^^^^^^^^^^^^^^^^^^^^^^^^^^
ಏನೆಂದು ಬಣ್ಣಿಸಲಿ…!!

ನಶೆಯೇರುವುದು ಕವನ ಕಟ್ಟಲು
ಮೈ ಬಿಸಿಯಾಗುವುದು ತಮ್ಮೆಲ್ಲರ ಕಮೆಂಟು ಕಂಡು
ಈ ಹೊಗಳಿಕೆಗೆ ನಾನು ಅರ್ಹಳೆ?
ನಗು ಮೂಡುವುದು ನನಗರಿವಿಲ್ಲದಂತೆ
ಮಕ್ಕಳ ಹೊಗಳಿಕೆಯ ಸವಿ ಜೇನು
ಹೃದಯ ತಟ್ಟುವುದು
ಸಾಂಗತ್ಯದ ವೀಣೆಯಂತೆ
ಲಯಬದ್ಧವಾಗಿ ಸ್ವರ ನುಡಿಸುವ ಶಕ್ತಿ
ಆ ಒಂದು ಹುಮ್ಮನಸ್ಸು,
ಪ್ರಾಸಬದ್ಧವಾಗಿ ಶಬ್ದ ಜೋಡಿಸಿ
ಅರೆಗಳಿಗೆ ನಾ ಮಗ್ನವಾಗಿ ನೋಡುವೆ
ನೋಡುತ್ತಲೇ ಇರುವೆ
ತಮ್ಮೆಲ್ಲರ ನೆನೆನೆನೆದು!

ಹೇಳಿ ಕಾವ್ಯಾಸಕ್ತರೆ, ಕವಿಪುಂಗವರೆ
ಮೇಡಂ,ಅಕ್ಕ,,ಅಮ್ಮ,ಸಹೋದರಿ ಎಂದೇಳುವ
ನೀವೆಲ್ಲ ಎಲ್ಲಿದ್ದಿರಿ ಇಷ್ಟು ದಿವಸ
ಸಾಹಿತ್ಯದಲಿ ಗಜಗಮುನೆ ನಡಿಗೆ ನನ್ನದು
ವೇಗದ ನಡಿಗೆ ಕಲಿಸಿದವರು ನೀವು
ಏನು ಬರೆದರೂ ಅಲ್ಲೊಂದು ಹೊಸ ತನ ಹುಡುಕಿ
ಹಲವು ಅರ್ಥವನ್ನು ಪೊಣಿಸುವವರು ನೀವು
ಉತ್ತರಿಸಲು ತಡಕಾಡುವ ಸ್ಥಿತಿ ನನ್ನದು
ಅದೇನೊ ಖುಷಿ ಅದೇನೊ ಸಂಭ್ರಮ
ಹಾಕಿದ ಬರಹ ಆಗಾಗ ಇಣುಕಿ ನೋಡಲು
ಅಂತೂ ನೀವೆಲ್ಲ ಸೇರಿ ಕಟ್ಟಿ ಹಾಕಿಬಿಟ್ಟಿರಿ
ನನ್ನನಿಲ್ಲಿ!!😊

9-8-2017. 3.58pm

Advertisements

ಮಹಿಮೆ

ಆಗಾಗ ನಾ ಅಂತೀನಿ
ನಿನ್ನ ಜೋಡಿ ಮಾತಾಡುದಿಲ್ಲ ಮತ್

ಅವ ಅಂತಾನ
ಏಯ್ ಹಾಂಗ್ಯಾಕ್ ಅಂತಿ
ನಾ ವಲ್ಲಂದ್ರ ಬಿಟ್ ಬಿಡೂ ಮತ್
ರಗಡ್ ಸಿಟ್ ಮಾಡ್ತೀ ಯಾಕ^^^?
ಏನ್ ಸಣ್ ಹಿಳ್ಳೀ ಅದಾಕೀ…
ಬಲು ಭೇಷ್ ಆತು ನೋಡೀಗ.

ಹೆಗಲ್ ಮ್ಯಾಲ್ ಇದ್ ಪಟಾಪಟಿ ಟವಲ್ ಕೊಡವಿ ನಡದೇ ಬಿಟ್ನ್..

ಅಯ್^^^ಯವ್ವಿ ಯವ್ವಿ^^^^
ಈ ಗಂಡಸ್ರೀಗ್ ಒಂದೀಟೂ ಸೂಕ್ಷ್ಮ ಅನ್ನೂದೂ ತಿಳಿವಲ್ಲದು
ಮಾತಾಡುದಿಲ್ಲ ಅಂದ್ರ ಖರೀನ ಅಂದ್ಕೊಂತಾರ
ಮತ್ ನಾ ಬಾಯ್ ಬಾಯ್ ಬಡಕಬೇಕನ….
ಒಸಿ ನನ್ನ ರಮಿಸೂ ಪಿರೂತಿ ಮಾಡೂ ಅಂತ….

ನಾನೇನ್ ನೀನ್ ಬ್ಯಾಡಾ ಅಂತ ಹಾಂಗಂದಿಲ್ಲೋ ಮಾರಾಯಾ
ಸಣ್ಣಾಕಿಂದ ನಿನ್ ಜೊತಿ ಕೂಡಿ ಆಡಿ ಬೆಳದಾಕಿ
ಸಲಿಗಿ ಭಾಳ್ ಅದಾವು ನೋಡು
ಏಟೊಂದು ಪಿರೂತಿ ಮಡಕಂಡಿವ್ನಿ
ಬಾಳಿದರ ನಿನ್ನ ಜೊತೀಗ ಬಾಳ್ ಬೇಕು
ಹೋಗೂ ಮುಂದ ನಿನ್ನ ತೊಡಿ ಮ್ಯಾಲ ಪಿರಾಣ ಬಿಡಬೇಕ ಮತ್.

ಇದೇನಾರ ನೀ ವಿಚಾರ ಮಾಡೀದಿ
ಗೊತ್ತಾದರ ನೀ ನನ್ನ ಬಿಟ್ಟು ಹೋಗಾಕ್ ಇದ್ದೀ…
ನಂಗೊತ್ತದ ನೀ ಮತ್ ಬಂದೇ ಬರ್ತಿ
ಹಂಗ್ ಮಸ್ತ ಮಾತಾಡದೈತಿ ಮತ್.

ಒಸಿ ಇರು, ನಾನೇ ಬತೀನಿ ನಿನ್ ತಾವ ಏಟಂದ್ರೂ ನೀವ್ ಗಂಡಸ್ರು!
ಸೆಟಗೊಂಡ ಹೋಗ್ ಬ್ಯಾಡೋ ನನ್ ಗೆಣೆಯಾ….

ದಬಕ್ಕಂತ ಮಂಚದ ಮೇಲಿಂದ
ಬಿದ್ದ ನನ್ನ ತಲೆಗೆ ಏಟು ಬಿದ್ದಾಗಲೇ ಗೊತ್ತಾಗಿದ್ದು
ಎಲ್ಲಾ Facebook ಮಹಿಮೆ!
ರೆಪ್ಪೆ ಕೂಡುವ ತನಕ ಬಿದ್ಕೊಂಡು ಓದೋದಿದೆಯಲ್ಲ
ನನ್ಮಗಂದು ಕನಸಿನಲ್ಲೂ ಕಾಡಿತ್ತು
ಕಂಡವರ ಕವನ
ಪಕ್ಕದಲ್ಲಿರೊ ಪಟಾಪಟಿ ಇನ್ನೂ ಗೊರಕೆ ಹೊಡಿತಿತ್ತು.
ಮನಸ್ಸಿಗೆ ಹಂಗೆ ಸಮಾಧಾನನೂ ಆತು.

27-7-2017. 7.34pm

ದಿಗಂತ

ನಿಮ್ಮೆಲ್ಲರ ಶುಭ ಹಾರೈಕೆಗೆ
ನನ್ನ ಕಣ್ಣು ಮಂಜಾಗುತಿದೆ
ಹೃದಯ ತುಂಬಿ ಬರುವ
ಭಾವನೆಗಳಿಗೆ
ಏನೆಂದು ಹೆಸರಿಸಲಿ!

ಎಲ್ಲಿಗೆಲ್ಲಿಯ ಸಂಬಂಧ
ಯಾರಿಟ್ಟರೊ ಈ ಹರಿಗೋಲು
ಈಜುವ ಬಡಿತಕೆ
ಜೊತೆಯಾಗಿದೆ ನಿಮ್ಮೆಲ್ಲರ
ಮೃದು ಮಾತುಗಳೆ ಸಾರಥಿ!

ಸಾಗುವ ದಾರಿಯ ಗುಂಟ
ತಮ್ಮೆಲ್ಲರ ದರ್ಶಿಸುವ ಹಂಬಲ
ದೂರದಲಿ ಕಾಣುವ
ಪ್ರತಿಬಿಂಬಕೆ ಕೈ ಬೀಸಿ
ಸೇರ ಬಲ್ಲೆನೆ ತೀರ!
12-1-2016. 8.50am

ಮಾಯಾ ಜಾಲ

ಹೆಣ್ಣಿಗೊಂದು ಗೌರವವಿರಲಿ
ಬರಹಕ್ಕೊಂದು ಬೆಲೆ ಇರಲಿ
ಪ್ರಕಟಿಸುವಲ್ಲಿ ಎಚ್ಚರವಿರಲಿ
Fb ಹೆಸರು ಮಾಸದಿರಲಿ .

ಇಲ್ಲಿ ಹೆಣ್ಣು ಗಂಡು ಸರಿ ಸಮಾನರು
ಅವರವರ ಅನಿಸಿಕೆಯಂತೆ ಎಲ್ಲ ಬಂದವರು
ನಡೆ ತಪ್ಪಿದರೆ ಹೊರಗೆ ಕಳಿಸುವರು
ಸರಿ ದಾರಿಗೆ ಹೂವ ಹಾಸುವರು.

ನಾವ್ಯಾರು ನೀವ್ಯಾರು ಗೊತ್ತಿಲ್ಲ
ಆದರೂ ಬೆಳೆವುದು ಗೆಳೆತನವಿಲ್ಲಿ
ಬಂದು ಹೋಗುವವರ ಮದ್ಯ ಮಾತಿಲ್ಲ
ಮುದ್ರಾ ರಾಕ್ಷಸನದೇ ಧಬಾ೯ರವಿಲ್ಲಿ.

ಚಿತ್ರ, ಬರಹ,ವಿಡಿಯೋ ಒಂದಾ ಎರಡಾ
ಎಲ್ಲದರ ಸಮ್ಮೇಳನ ದಿನವೂ ನೋಡಾ
ಓದಿ ಲೈಕು,ಕಮೆಂಟು ಮಾಡಾ
ಆದರೆ ದಿನವೆಲ್ಲ ಇದರಲ್ಲೆ ಕಳೆಯ ಬೇಡಾ.

ಇರುವುದು ಬಿಡುವುದು ಅವರವರ ಇಷ್ಟ
ಕಾಸು ಕಾಂಚಾಣಕಿಲ್ಲಿ ಬೆಲೆಯಿಲ್ಲ
ಬೇಕಾದ್ದು ತಿಳಿದುಕೊ, ಬೇಡಾದ್ದು ಬಿಟ್ಟಾಕು
ಕಂಡವರ ಬೈದರೂ ಪ್ರಯೋಜನವಿಲ್ಲ.

ಸ್ವತಂತ್ರ ನಡೆಗಿದೊಂದು ತಾಣ
ನಿನ್ನ ನೀ ಅರಿಯುವೆ ಕ್ರಮೇಣ
ಬುದ್ಧಿಯ ಒರೆ ಹಚ್ಚಿ ನೋಡಿದರಿಲ್ಲಿ
ಚಿತ್ತದ ಚಂಚಲತೆ ಇಲ್ಲಿ ಕಾಣಾ.

ಇದೊಂದು ಮಾಯಾ ಜಾಲ
ಒಮ್ಮೆ ಸಿಕಾಕಿಕೊಂಡರಿಲ್ಲಿ
ಆಕ್ಟೋಪಸ್ ಹಿಡಿತಕಿಂತ ಗಟ್ಟಿ
ತಣ್ಣನೆ ಹೀರುವುದು ದಿನದ ಸಮಯ.

(Mark Zuckerberg)

ಪ್ರತಿಭೆಗೊಂದು ಉತ್ತಮ ತಾಣ
ಗೆಳೆತನಕೊಂದು ಭವ್ಯ ವೇದಿಕೆ
ಜಗತ್ತಿನ ಜನರೆಲ್ಲರ ಸಮಾಗಮ
ಕತ೯ನಿಗಿರಲಿ ನಮ್ಮೆಲ್ಲರ ನಮನ.

17-12-2016. 9.52am

Fb ಸ್ನೇಹಿತರಿಗೊಂದು ಶುಭೋದಯ ಕವನ

ಬಂಗಾರದ ಮೈ ಬಣ್ಣ ನಾನಂತೂ ಹೊಂದಿಲ್ಲ
ಬರೆಯುವ ಕೈಗಳಿಗೆ ಬಳೆಗಳನ್ನೂ ತೊಡಿಸಿಲ್ಲ
ಅಂದವಾದ ಅರಮನೆಯ ಸಾಂಗತ್ಯ ನನಗಿಲ್ಲ
ಚಂದದ ಶಬ್ದಗಳನು ನಾನೆಂದೂ ಮರೆತಿಲ್ಲ.

ಕಂಪಿಡುವ ಗಂಧಕ್ಕೆ ಇಂಪಾದ ಧ್ವನಿಯಾಗಿ
ಕಾಲ್ಗೆಜ್ಜೆಯ ನಾದಕ್ಕೆ ಗರಿಬಿಚ್ಚುವ ನವಿಲಾಗಿ
ಸುತ್ತೆಲ್ಲ ಹುಡುಕುವ ಕಣ್ಣಿಗೆ ಶೃಂಗಾರವಾಗಿ
ಕುಣಿವೆ ಹರಿಣಿಯಾಗಬೇಕೆಂಬ ಆಸೆಯಾಗಿ.

ಕಂಡವರ ಮನಸು ಮನಸುಗಳ ನಡುವೆ
ಬಂದನದ ಸಂಕೋಲೆ ಸೆಳೆದು ಬಿಡುವೆ
ಸಾಂಗತ್ಯದ ನೆಪದಲ್ಲಿ ನಿಮ್ಮನೆಗೊಮ್ಮೆ ಬರುವೆ
ತೆರೆದ ಬಾಗಿಲಿಗೊಂದು ಕವನವ ತಂದಿಡುವೆ.

ಮುದ್ದಾದ ಮೊಗದಲ್ಲಿ ಹೂ ನಗೆಯ ಚೆಲ್ಲಿರಲು
ಬೆಳಗಿನ ಮಂದಾರದ ಹೂ ನಗುವಂತೆ ನೀವಿರಲು
ಉಲ್ಲಾಸದ ಟೀ ಕಾಫಿ ನೀವೆಲ್ಲ ಹೀರುತಿರಲು
ಇನ್ನೇನು ಬೇಕು ನನ್ನ ಶುಭೋದಯದ ಗಾನವಿರಲು.

ಅನವರತ ನನ್ನ ನಿಮ್ಮೆಲ್ಲರ ಸ್ನೇಹತಂತು ಹೀಗೆಯೆ ಇರಲಿ
ಕಂಡೂ ಕಾಣದ ಜನ ನಾವೆಂಬ ಆತಂಕ ಮರೆತಿರಲಿ
ಎದೆ ತಂತು ಮೀಟುವ ಪ್ರೀತಿ ಎಂದೆಂದೂ ಜೊತೆಗಿರಲಿ
ನಾವೆಲ್ಲ ಸೇರುವ ಕಾಲ ಬೇಗನೇ ಕೂಡಿಬರಲಿ.

11-12-2016. 9.33am

ಮುಖ ಪುಸ್ತಕದ ಸ್ನೇಹಿತರ ಹಾರೈಕೆಯಲಿ ಹುಟ್ಟಿದ ಕವಿತೆ

ನಿನ್ನೆಯ ನನ್ನ ಜನ್ಮ ದಿನಕ್ಕೆ ಸ್ನೇಹಿತರಿಂದ ಶುಭಾಶಯಗಳ ಸುರಿಮಳೆ. ಅಬ್ಬಾ! ನನ್ನ ಜನ್ಮದಲ್ಲೆ ಇಷ್ಟೊಂದು ಶುಭಾಶಯಗಳ ಹಾರೈಕೆ ಸ್ವೀಕರಿಸಿರಲಿಲ್ಲ. ಹೆತ್ತ ಕಂದಮ್ಮನಿಂದ ಹಿಡಿದು ಆತ್ಮೀಯ ಸ್ನೇಹಿತರೆಲ್ಲರ ಮಮತೆ ಕಂಡು ಮನಸ್ಸು ನಿಜಕ್ಕೂ ಮೂಖವಾಗಿತ್ತು. ನನ್ನ ಬರಹ ಓದಿದ ಸ್ನೇಹಿತರಿಂದ ಸಿಕ್ಕ ಬಿರುದುಗಳು ; ಕವಯಿತ್ರಿ, ಲೇಖಕಿ, ಆಶು ಕವಯಿತ್ರಿ. ಈ ಖುಷಿಯಲ್ಲಿ ಬರೆದ ಕವನವಿದು.

</a

Malli Yadav – Happy birthday mdm
Many many happy returns of the day..!!
Nivobba dodda ashu kaviyatri

Aarti Gatikar – ಮುದವಾದ ಕವಿತೆಗಳನ್ನು.ಅರ್ಥಪೂರ್ಣ ಬರಹಗಳನ್ನು ಕಟ್ಟಿ ಕೊಡುವ ಸಹೃದಯ ಗೆಳತಿ ಗೀತಾ ಅವರಿಗೆ ಜನ್ಮದಿನದ ಶುಭ ಹಾರೈಕೆಗಳು.ನಿಮ್ಮೆಲ್ಲಾ ಮನೋಭಿಲಾಷೆಯನ್ನು  ಭಗವಂತ ಈಡೇರಿಸಿ ನೂರುಕಾಲ ಚೆನ್ನಾಗಿಟ್ಟಿರಲಿ 🙂

Punch Pramod – ಜನ್ಮ ದಿನದ ಹಾರ್ದಿಕ ಶುಭಾಶಯಗಳು ಮೇಡಂ.ನೂರಾರು ಕಾಲ ನಗುನಗ್ತಾ ಬಾಳಬೇಕು ನೀವು…

ಲೋಹಿತ್ ಅಮಚೂರ್ – ಅವಿರತ ಅರ್ಥಪೂರ್ಣ ಬರಹಗಳ ಮೂಲಕ ಅರಿವನುರಿಸುವ ಅಕ್ಕರೆಯ ಅಕ್ಕ ಹುಟ್ಟು ಹಬ್ಬದ ಹಾರ್ದಿಕ ಶುಭಾಶಯಗಳು 🙂 33 friends

Amit Patil Algur – ಹುಟ್ಟು ಹಬ್ಬದ ಹಾರ್ದೀಕ ಶುಭಾಶಯಗಳು ಮೆಡಮ್ 🙂 ನೂರ್ಕಾಲ ಸುಖ ಶಾಂತಿಯಿಂದ ಬಾಳಿ ಅಂತ ದೇವರಲ್ಲಿ ಕೇಳಿಕೊಳ್ಳುವೆ. ನೀವು ನಮ್ಮ ಅಮ್ಮನ ವಯಸ್ಸಿನವರಾದರೂ ಮನಸ್ಸು ಮಾತ್ರ ಮಗುವಿನ ಥರ ಬೆಳ್ಳಗೆ. ನಿಮ್ಮ ಬರಹಗಳು ಬೆಣ್ಣೆ ಥರ ಮೃದು. ದೇವರು ನಿಮಗೆ ಒಳ್ಳೆಯದು ಮಾಡಲಿ 🙂
ಮುತ್ತು ರಾಜ – ಜನ್ಮ ದಿನದ ಹಾರ್ಧಿಕ ಶುಭಾಶಯಗಳು…. ಬರಲಿ ನಿಮ್ಮ ಬಾಳಿನಲ್ಲಿ ಲೆಕ್ಕತಪ್ಪಿಹೋಗುವಷ್ಟು ಹುಟ್ಟುಹಬ್ಬಗಳು…:)

Shreedhar Bhat – namaste jii 🙂 januma dinada haardika haardika shubhaashayagaLu 🙂 khushi nagu nemmadi preeti, jeevana poorti tamm jotegirli 🙂 mandahaasa maasadirli 🙂 🙂 🙂

Ashok Kiccha – ನನ್ನ ಫ಼್ರೆಂಡ್ ಲೀಸ್ಟ್ನಲ್ಲಿ ಸುಮಾರ್ ಜನ ಹೆಣ್ ಮಕ್ಳಿದಾರೆ…..ಕೆಲವರನ್ನ ಹೊರತುಪಡಿಸಿ ಮಿಕ್ಕಿದವರೆಲ್ಲಾ ನನ್ನ ವಿಲನ್ ತರ ನೋಡ್ತಾರೆ……ಅದ್ಕೆ ಅವ್ರ್ಯಾರು ನನ್ ಪೋಸ್ಟ್ಗಳಿಗೆ ಇರ್ಲಿ ನನ್ ಪೋಟೋಸ್ ಕೂಡ ಲೈಕ್ ಮಾಡಲ್ಲ….ಆದ್ರೆ ನೀವು ನನ್ನ ಚೈಲ್ಡೀಷ್ ಬರಹಗಳಿಗೂ  ಕಮೆಂಟ್ ಹಾಕಿ ಹೀಗೆ ಬರಿತಿರು #ಮಗ ಅಂತ ಉತ್ತೇಜನ ನೀಡಿದ್ರಿ….ತುಂಬಾ ಧನ್ಯವಾದಗಳು #ಅಮ್ಮ….. ನಿಮ್ ಬಗ್ಗೆ ಇನ್ನೂ ಬರಿಬಹುದು ಆದ್ರೆ ಅಷ್ಟು ಪದಗಳ ಪೊಣಿಸುವ ತಾಕತ್ತು ನಂಗಿಲ್ಲಾ…..ಸದಾ ನಗ್ ನಗ್ತಾ ಖುಷಿಯಾಗಿರಿ…..ನಿಮ್ಮ ಬರವಣಿಗೆಯೆಂಬ ಕೂಸಿಗೆ ವಯಸ್ಸಾಗದಿರಲಿ……#ಹ್ಯಾಪಿ_ಹುಟ್ದಬ್ಬ_ಅಮ್ಮ…💜

Krishna Jakkappanavar – ತಮಗೆ ಜನುಮ ದಿನದ ಹಾದಿ೯ಕ ಶುಭಾಶಯಗಳು..ದೇವರು ,ಸಕಲ ಸಂಪತ್ತು,ಆಯುರಾರೇೂಗೈ ಆಯುಷ್ಯ ಕರುಣಿಸಲಿ. ಎಂದು ಸುಪ್ರಭಾತದೊಂದಿಗೆ ಶುಭ ಕೇೂರುವೆ..!!!ಮಂಗಳವಾಗಲಿ..!!!

Darshan Kumar – Janma dinamidam ayi priya sakhe santanotu te sarvada mudam ||prarthayamahe bhava satayusiisvarassda tvam ca raksatu||punya karmana kirtimarajayajivanam tava bhavatu sarthakam||
Meaning: may this birthday of yoursBring in auspiciousness and happiness.We pray that you enjoy hundred beautiful years of life, andMay the Lord always protect you. By your virtuous act, earn fame and May your life be fulfilling.

Guru Swamy Prince – ಹೃದಯಪೂವ೯ಕ 💘 ನಮಸ್ಕಾರ ನನ್ನ ಪ್ರೀತಿಯ 😍 ಗೀತಾ ಮೇಡಮ್ 🙏ಹುಟ್ಟು ಹಬ್ಬದ ಹಾಧಿ೯ಕ ಶುಭಾಶಯಗಳು 🎂🎁🎉🎊ನೂರಾರು ಕಾಲ ಸುಖವಾಗಿ, ಸಂತೋಷದಿಂದ ಯಾವಾಗಲೂ ನಗು ನಗುತ ಚೆನ್ನಾಗಿ ಇರಿ :)ದೇವರು ನಿಮಗೆ ಆರೋಗ್ಯ, ಯಶಸ್ಸು, ಐಶ್ವಯ೯, ಆಯಸ್ಸು ಕೊಟ್ಟು ಕಾಪಾಡಲಿ 👍 ನಿಮ್ಮ ಹಿತ ಬಯಸುವ ಕನ್ನಡಿಗ 💛 ಜಿ ಎಸ್ ಪಿ ❤

Shivakumar V. Kallur- ಜನುದಿನದ ಶುಭಾಶಯಗಳು ಅಮ್ಮ..😍😍😍ನಿಮ್ಮ ಸವಿ ಸವಿ ಬರವಣಿಗೆ ಗಳು ಇದೇ ಮೂಡಿ ಬರ್ತಾ ಇರಲಿ.. ಕಾಯ್ತಾ ಇರ್ತೀವಿ ಅಮ್ಮ

ಸಾಗರ್ ಸಿದ್ಧು – ಜನ್ಮ ದಿನದ ಶುಭಾಶಯಗಳು ಅಮ್ಮ 🙂 ಆ ಭಗವಂತ ನಿಮಗೆ ಆಯಸ್ಸು ಆರೋಗ್ಯ ನೆಮ್ಮದಿಯ ಜೀವನ ಕೊಡಲಿ. 🙂

ರಾ.ಸೋಮನಾಥ್ಹು -ಹುಟ್ಟು ಹಬ್ಬದ ಶುಭಾಶಯಗಳು ಮೇಡಂ.  ಕರುಣೆ ಹಣತೆ ಆರದಿರಲಿ ದಯಾಭಾವ ಬೆಳಗುತಿರಲಿ

Ayyappa Appu – ನೀಲಿ ಬಾನಿಂದ ನಿನ್ನೆಡೆಗೆ ಬರುವ ಪ್ರತಿಯೊಂದು ಸೂರ್ಯ ರಶ್ಮಿಯೂ ನಿನ್ನ  ಬಾಳಿನ ಸಂತಸದ ಕ್ಷಣವಾಗಲಿ ಎಂದು ಹಾರೈಸುತ್ತಾ ಜನುಮ ದಿನದ ಹಾರ್ದಿಕ ಶುಭಾಶಯಗಳನ್ನು ಕೋರುವೆ.

ನನ್ನವರ ನಾನು – ಹುಟ್ಟು ಹಬ್ಬದ ಹಾರ್ದಿಕ ಶುಭಾಶಯಗಳು ಮಾ .ದೀರ್ಘಾಯುಷ್ಯವನ್ನು ಅವನು ಕರುಣಿಸಲಿ ..😍 😍 😍 😍 😍 ಹ್ಯಾಪಿ ಹುಟ್ದಬ್ಬ …May God bless u wid lot of hppnss ..Mny mny reruns of d dy …Srry fr d late wish …ಮೊಬೈಲ್ ಇಲ್ಲ. …

Shashank Rao – ಕೆಲವು ಸಂಬಧಗಳೇ ಹಾಗೆ..ಹತ್ತಿರವಾಗಲು ಯಾವುದೇ ಸಂಬಂಧದ ವರಸೆ ಬೇಕಾಗಿರಲ್ಲ… ಬರಿಯ ನುಡಿ ಸಾಕು‌..ಇವತ್ತಿನ ನನ್ನ ಅನುಭವ… ಬೆಳಿಗ್ಗೆ ಇದೇ ಮುಖಪುಸ್ತಕದಲ್ಲಿ ಒಬ್ರನ್ನ ಭೇಟಿಯಾದೆ…ಅವ್ರ ಜೊತೆ ಮಾತೂ ಕೂಡಾ ಆಡಿಲ್ಲಾ ಇನ್ನೂ…ಆದ್ರೂ ಅವರ ಬರಹಗಳು, ಧನಾತ್ಮಕ ಕಾಮೆಂಟ್‌ಗಳನ್ನ ನೋಡಿ ಫುಲ್ ಫಿದಾ….ಅವರ ವಾಲ್ ಪೂರ್ತೀ ಓದೋ ಪ್ರಯತ್ನದಲ್ಲೇ ಇದ್ದೇನೆ ಇನ್ನೂ… ಮಧ್ಯ ಅವರ ಹುಟ್ಟುಹಬ್ಬ ಇಂದು.. ಅದಕ್ಕೊಂದು ಶುಭ ಹಾರೈಸೋಣಾ ಅಂತ ಬಂದೆ….ಅಕ್ಕಾ, ಅಮ್ಮ ಏನಂತ ಕರೀಬೇಕು ಅಂತ ಕೂಡ ತಿಳೀತಾ ಇಲ್ಲಾ..
Geeta G. Hegde ಅಕ್ಕಾ ನಿಮಗೆ ಹುಟ್ಟು ಹಬ್ಬದ ಹಾರ್ದಿಕ ಶುಭಾಶಯಗಳು…

Bhaskar Gowda – ಹುಟ್ಟು ಹಬ್ಬದ ಶುಭಾಶಯಗಳು. ನಿಮ್ಮ ಬರಹಗಳು ಇನ್ನಷ್ಟು ಒದುವ ಭಾಗ್ಯ ನಮಗೆ ಸಿಗಲಿ

ಪ್ರೀತಿಯ ಹುಡುಗ – ಒಂದು ಮುದ್ದಾದ ಹುಟ್ಟು
ಹಬ್ಬದ ಶುಭಾಶಯ…
ಯಾ..ಪಿ.. ಬ-ಡೇ

Arkere Suresh Babu –  ಬರೆಯುವ ಬರಹ ಮನಸ್ಸಿನ ಕನ್ನಡಿ,ಮನುಷ್ಯನ ಮನಸ್ಸಿನ ಭಾವನೆಗಳ ಏರಿಳಿತವನ್ನು ಸೂಕ್ಷ್ಮವಾಗಿ ತಮ್ಮ ಬರವಣಿಗೆಯ ಮೂಲಕ  ವ್ಯಕ್ತಪಡಿಸುವ ಗೀತಾಜಿಗೆ ಜನುಮದಿನದ ಶುಭಾಶಯಗಳು. ಭಾವನೆಗಳ ಸಂವೇದನೆ ಸುಲಲಿತವಾಗಿ ಸದಾ ಹೀಗೆ ಹೊರಹೊಮ್ಮುತ್ತಿರಲಿ ಎಂದು ಶುಭ ಕೋರುವೆ

212 friends posted on your Timeline for your birthday.

ಎಲ್ಲ ಸ್ನೇಹಿತರ ಶುಭಾಶಯಗಳು ಒಕ್ಕಣೆ ಓದಿ ಮನ ಮೂಖವಾಗಿದ್ದಂತೂ ನಿಜ. ಇವೆಲ್ಲ ನನ್ನ ನೆನಪಿನ ಬುತ್ತಿಗಳು. ಸ್ನೇಹಿತರ ಹಿತೈಷಿಗಳ ಪ್ರೀತಿಯ ಹಾರೈಕೆಗಳೇ ನನಗೆ ಅತೀವ ಸಂತೋಷ ತರುವ ಕ್ಷಣಗಳು.  ಭಗವಂತ ಇವರನ್ನು ನನ್ನಿಂದ ಯಾವತ್ತೂ ದೂರ ಮಾಡಬೇಡಾ.

8-12-2016…5.32pm

××××××××××××××××××××

ಇಳಿಬಿಟ್ಟ ಎಲೆಗಳಿಗೆ
ಮಮತೆಯ ರಂಗೇರಿದೆ
ತೂಗಾಡುವ ಬಳ್ಳಿಗೆ
ಕರುಳಿನ ಕರೆ ಕೇಳಿದೆ
ನೀವೆಲ್ಲ ನುಡಿದ ಶುಭಾಶಯಕೆ
ಮನ ಮುದಗೊಂಡಿದೆ
ಅನುದಿನದ ಸಂತೋಷ
ನಿಮ್ಮೆಲ್ಲರಿಂದ ಸಿಕ್ಕಿದೆ
ಕೊನೆ ಕಾಣದ ಬದುಕಿಗೆ
ಹಿಮ್ಮೇಳವು ದೊರೆತಿದೆ
ಖುಷಿಯಿಂದ ಮನ
ಕುಣಿದಾಡಿದೆ
ಧನ್ಯೆ ಧನ್ಯೆ
ನಾ ಧನ್ಯೆ!

7-12-2016 3.53pm

ಮಂಗಳದ ಮುಂದಿನ ದಿನಕೆ
ಹಾಡುವೆನು ನಾನೊಂದು ಕವಿತೆ
ಬರೆಯಿಸುವ ಕೈಗಳು ನೂರಾರು
ಸೇರಿರಲು ನನಗಿಲ್ಲ ಚಿಂತೆ
ಬಿಚ್ಚು ಮನದೊಳಗೆಲ್ಲ
ಹೊಚ್ಚ ಹೊಸ ಹಾರೈಕೆಯಲಿ
ಇನಿತು ಮಿಡಿಯುವ ಹೃದಯದ
ಪ್ರೀತಿರತಿರೇಕ ನಾ ಕಂಡೆನಿಂದು.

ಅಮ್ಮಾ ಎಂದು ಕೂಗುವ
ಹಸುಳೆಗಳು ಮಡಿಲಲ್ಲಿ
ಅಕ್ಕ ತಂಗಿಯಂತೆ ಕಾಣುವ
ಸಹೋದರಿ ನಾನಾಗಿರಲು
ಸ್ನೇಹದ ಸಂಕೋಲೆ
ತೆರೆದ ಬಾಹುಗಳಡಗಿರಲು
ಶುಭಾಶಯದ ಅಮಲಿನಲಿ
ನಾನಾಗಿ ಹೋದೆನಿಂದು
ಉತ್ತುಂಗದ ಕನ್ಯೆ.

ಮುಚ್ಚಂಜೆ ಹೊತ್ತಲ್ಲಿ
ದೀಪದಾರತಿ ಎತ್ತಿ
ಕೈ ಮುಗಿದು ನಮಿಸುವೆ
ಹೆತ್ತೊಡಲು ತಂಪಾಗಿರಲಿ
ನಿಮ್ಮ ಹೆತ್ತವ್ವನ ಹೆಸರು
ನಿಮ್ಮ ನಡೆಯಲಿ ಬರಲಿ
ತಮ್ಮೆಲ್ಲರ ಬದುಕು
ದೇದಿಪ್ಯಮಾನವಾಗಿರಲಿ!!

ಎಲ್ಲರಿಗೂ ನನ್ನ ಧನ್ಯವಾದಗಳು.

7-12-2016. 4.49pm