ನಡೆದ ಘಟನೆಯ ಸುತ್ತ….

ಇದೊಂದು 2003 ರಲ್ಲಿ ನಡೆದ ಘಟನೆಯ ಕುರಿತು ಬರೆದ ಕವನ. ಒಬ್ಬ ಹುಡುಗನಿಗೆ ಮದುವೆ ಗೊತ್ತಾಗಿ ಲಕ್ಷಾಂತರ ಹಣ ಸುರಿದು ನಿಶ್ಚತಾಥ೯ ಮಾಡಿಕೊಂಡು, ಹುಡುಗನ ಜೊತೆ ಸುತ್ತಾಡಿ, ಉಡುಗೊರೆ ತೆಗೆಸಿಕೊಂಡು,ಮಂಗಲ ಪತ್ರ ಪ್ರಿಂಟಾಗಿ ಇನ್ನೇನು ಪೂಜೆ ಮಾಡಿ ಹಂಚಬೇಕು ; ಈ ಹಂತದಲ್ಲಿ ಹೆಣ್ಣು ಬೇರೊಬ್ಬನ ಜೊತೆ ಮದುವೆಯಾಗಲು ರಿಜಿಸ್ಟರ್ ಆಫೀಸಿನಲ್ಲಿ ದಾಖಲಾಗಿರುವ ವಿಷಯ ನೋಟೀಸ ಬೋರ್ಡ ನೋಡಿದವರಿಂದ ಗೊತ್ತಾಗಿ ಮದುವೆ ಮುರಿಯಿತು. ಗಂಡಿನ ಪರಿಸ್ಥಿತಿ ಹೇಗಿರಲಿಕ್ಕಿಲ್ಲ. ಊಹಿಸಿ.

ಹೆಣ್ಣು ಕುಲಕ್ಕೆ ಕಳಂಕ
—————————–
ಓ ಹೆಣ್ಣೆ
ನೀನೆಂತ ಚೆಲುವೆ
ನಿನ್ನ ಮಾತಿನ ಮೋಡಿಗೆ
ಮರುಳಾಗಿಬಿಟ್ಟೆನಲ್ಲೆ.

ಕಂಡೆ ನಾ ಬಣ್ಣ ಬಣ್ಣದ ಲೋಕ
ಹೆಣೆದೆ ನೂರೆಂಟು ಕನಸ
ಸುಃಖದ ಅಮಲಿನಲ್ಲಿ
ತೇಲಾಡುತ್ತಿದ್ದೆ.

ನೀ ಹೀಗೆ ಇದ್ದಿದ್ದರೆ
ನಾ ಪೂತಿ೯ ಮುಳುಗಿ ಬಿಡುತ್ತಿದ್ದೆ
ಸಧ್ಯ ಕೊನೆಗೂ ತೋರಿಸಿದ್ಯಲ್ಲೆ
ನಿನ್ನ ಊಸರವಳ್ಳಿ ಬಣ್ಣ.

ನಾ ಎಂದೆಂದೂ ಕಂಡರಿಯದ
ಪ್ರಪಾತಕ್ಕೆ ದೊಪ್ಪೆಂದು
ತಳ್ಳಿಬಿಟ್ಟೆಯಲ್ಲೆ
ಇದು ಸರಿಯೇನೆ?

ಈಗ ನನಗನಿಸುತ್ತದೆ
ನೀನೊಂದು ಹೆಣ್ಣಾ?
ಅಲ್ಲಲ್ಲಾ
ನಾನೆನಿತು ಬಣ್ಣಿಸಲೆ ನಿನ್ನ!

ಹೆಣ್ಣು ಕುಲಕ್ಕೇ
ಕಳಂಕವಾಗಿಬಿಟ್ಟೆಯಲ್ಲೆ!

ಹೇಳು
ನಾ ಹೇಗೆ ಅಳಿಸಲೆ
ಮನದ ತುಂಬೆಲ್ಲ ಇಟ್ಟ
ನಿನ್ನ ಹೆಜ್ಜೆಯ ಗುರುತು.

ಹೃದಯ ಛಿದ್ರಗೊಳಿಸಿದ
ಮುಖವಾಡ ಹೊತ್ತ
ನಿನ್ನ ಮೊಗವನ್ನ.
9-5-2003. 4.30pm

Advertisements

ಆಹಾ! ಕಾಯ್ಕಿಣಿ ಪಾರ್ಲರ್.. |

http://avadhimag.com/2016/02/23/%e0%b2%86%e0%b2%b9%e0%b2%be-%e0%b2%95%e0%b2%be%e0%b2%af%e0%b3%8d%e0%b2%95%e0%b2%bf%e0%b2%a3%e0%b2%bf-%e0%b2%aa%e0%b2%be%e0%b2%b0%e0%b3%8d%e0%b2%b2%e0%b2%b0%e0%b3%8d/

ಗುಂಡನ ಹಿಕ್ಮತ್ತು(ನಗೆ ಬರಹ)

ಗೆಳೆಯ – ಏನೋ ಗುಂಡಾ, ಎಲ್ಲೂ ಕಾಣ್ತಿಲ್ಲ?  ಅದಕೆ ಮನೆಗೇ ಬಂದೆ ಮಾತಾಡಿಸಿಕೊಂಡು ಹೋಗೋಣಾಂತ.

ಗುಂಡ – ಇಲ್ಲ ಕಣೋ, ನಿನ್ನೆ ಊರ ಕಡೆ ಹೋಗಿದ್ನಾ.  ತೋಟದಲ್ಲಿ ಓಡಾಡುವಾಗ ಜಾರಿ ಬಿದ್ದೆ.  ನೋಡು ಕಾಲು ಹೇಗೆ ಊದಿಕೊಂಡಿದೆ!

ಗೆಳೆಯ – ಹೌದಲ್ಲೊ, ಡಾಕ್ಟರ್ಗೆ ತೋರಿಸಬೇಕಿತ್ತು?

ಗುಂಡ – ಛೆ, ಇದಕ್ಯಾಕೊ ಡಾಕ್ಟರ್ ಹತ್ತಿರ ಹೋಗಬೇಕು?  ನನ್ನ ಫ್ರೆಂಡೂ ಇದೇ ತರ ಜಾರಿ ಬಿದ್ದು ಕೈಗೆ ಏಟು ಮಾಡಿಕೊಂಡಿದ್ದಾನೆ.  ಹೇಗಿದ್ರೂ ಅವನು ಡಾಕ್ಟರ್ ಹತ್ತಿರ ಹೋಗಿ ಔಷಧಿ ತಂದೂಕೊಂಡಿದ್ದಾನೆ.  ಅದೇ ಔಷಧನ ನಂಗೂ  ಸ್ವಲ್ಪ ಕೊಡು ಅಂತ ಕೇಳ್ತೀನಿ.  ಅವನಿಗೆ ಕೈಗೆ, ನನಗೆ ಕಾಲಿಗೆ ಏಟಾಗಿರೋದು.  ಎರಡೂ ಬಿದ್ದಿದ್ದೇ ತಾನೆ.  ಸುಮ್ನೇ ಡಾಕ್ಟರ್ಗೆ ದುಡ್ಡು ಬೇರೆ ದಂಡ!

ಗೆಳೆಯ – ಅಪ್ಪಾ ಶಿವನೆ.  ನಮಸ್ಕಾರ ಕಣೋ, ಬರ್ತೀನಿ.

ಕಳೆದು ಹೋದ ಚಟ್ನೀಪುಡಿ(ನಗೆ ಬರಹ)

ಅಲ್ಲ ಎಲ್ಲಿಟ್ಟೆ ಚಟ್ನೀಪುಡಿ ಬಾಟ್ಲೀನ? ಎಷ್ಟು ಹುಡುಕಿದ್ರೂ ಸಿಗುತ್ತಿಲ್ವಲ್ಲ? ಏನ್ಮಾಡ್ಲಿ ಈಗ? ಕಳ್ಳೆಕಾಯಿ,ಕೊಬ್ಬರಿ,ಒಂದಷ್ಟು ಕರಿಬೇವಿನ ಸೊಪ್ಪು, ಬೆಳ್ಳುಳ್ಳಿ ಏನೆಲ್ಲಾ ಹಾಕಿ ಅದೆಷ್ಟು ಮುತುವಜಿ೯ಯಿಂದ ಮಾಡಿದ್ದೆ!

ಇವತ್ತೇನಾದ್ರು ಆಗ್ಲಿ, ಎಲ್ಲ ಕೆಲಸ ಬಿಟ್ಟು ಹುಡುಕೋದೆ. 

ಅಮ್ಮ ಅದೇನ ಗೊಣಗ್ತಿದಿಯಾ ಆಗಿಂದ?

ಇಲ್ಲ ಕಣೆ ಚಟ್ನೀಪುಡಿ ಸಿಗ್ತಿಲ್ಲ.

ಅಯ್ಯೋ ಅದೆಷ್ಟು ದಿನ ಆಯ್ತು ಹುಡುಕೊಕೆ ಹತ್ತಿ, ಇನ್ನೂ ಸಿಕ್ಕಿಲ್ವ?

ಸಿಕ್ಕಿದ್ರೆ ಹುಡುಕ್ತಿದ್ನ? ಇವಳದ್ದೊಂದು.  ಏಯ್ ಹೋಗೊ ಆಚೆ,ಬಂದಬಿಟ್ಟ ನಂದೆಲ್ಲಿ ಇಡ್ಲಿ ಅಂತ, ಭೌ ಭೌ ಅಂತೆ. ಏಯ್ ಪೆಡಿಕ್ರಿ ಹಾಕೆ ಅವನಿಗೆ, ನಾ ಚಟ್ನೀ ಪುಡಿ ಹುಡುಕಬೇಕು.

ಬೆಳಗಿಂದ ಸಾಯಂಕಾಲದವರೆಗೂ ಇಡೀ ಮನೆ ತಡಕಾಡಿದ್ರೂ ಸಿಕ್ಕಿಲ್ವಲ್ಲ, ಎಲ್ಲೋಯ್ತು? ಸುಸ್ತಾಯ್ತು, ಏನಾದ್ರಾಗ್ಲಿ ನಾಳೆ ಇನ್ನೊಂದು ಕೈ ನೋಡೇ ಬಿಡೋದು.

ಅಮ್ಮಾ ಇಲ್ಲಿ ನೋಡಿಲ್ಲಿ ನಿನ್ನ ಚಟ್ನೀಪುಡಿ!

ನಿಂಗೆಲ್ಲೆ ಸಿಕ್ತು.

ದೇವರ ಮನೆಯಲ್ಲಿ ಕುಂಕುಮ ಬಾಟ್ಲಿ ಜೊತೆ ಇಟ್ಟಿದ್ದೆ. 

ಅಯ್ಯೋ ರಾಮನೆ! ಅದ್ಯಾವ ಮಾಯದಲ್ಲಿ ಅಲ್ಲಿಟ್ಟೆ?

ಹೀಗೂ ಉಂಟೆ???

(ಯಾಕ್ರೀ ನನ್ನ ಅವಸ್ಥೆ ನೋಡಿ ನಗ್ತಿದಿರಾ? ಪರವಾಗಿಲ್ಲ ಜೋರಾಗಿ ನಗಿ, ಆರೋಗ್ಯಕ್ಕೆ ಒಳ್ಳೆಯದು, ಅದಕೆ ಬರೆದಿರೋದು)

ಹೋಗಮ್ಮೋ(ನಗೆ ಬರಹ)

ಅಮ್ಮ – ಮಗಳೆ ಇವತ್ತೊಂದು ಸಂಬಂಧ ಬಂದಿದೆ, ಹುಡುಗ

           . ಅಮೇರಿಕಾದಲ್ಲಿ ಇದ್ದಾನಂತೆ, ಒಳ್ಳೆ ಕೆಲಸ,ಚೆನ್ನಾಗಿ 

              ಇದ್ದಾನೆ ಆಗಬಹುದಾ. ಮದುವೆಗೆ ಹೂ ಅನ್ನು.

ಮಗಳು – ಹೋಗಮ್ಮೋ, ಯಾಕೆ ಇಲ್ಲೇನು ಇಂಜನಿಯರಗಳು

               ಇಲ್ವಾ? ಇಷ್ಟೊಳ್ಳೆ ಕೆಲಸ ಬಿಟ್ಟು ಅಲ್ಲಿ ಹೋಗಿ

                ಕೆಲಸನೂ ಇಲ್ಲದೆ ಉಪ್ಪಿಟ್ಟು ಮಾಡಿ WhatsApp

                ನಲ್ಲಿ pic ಹಾಕಲಾ? ಈಗೆಲ್ಲ ನನ್ನ friends ಅವಸ್ಥೆ

                ನೋಡದೀನಿ.  ಹೋಗಮ್ಮೋ ಸುಮ್ನಿರು.  ದೂರದ

                ಬೆಟ್ಟ ಕಣ್ಣಿಗೆ ನುಣ್ಣಗೆ.  ಇಂಡಿಯಾನೇ ಬೆಸ್ಟ್

ಪಾಕಡಾ ಹೆಂಡತಿ(ನಗೆ ಬರಹ)

ಗಂಡ-  ಯಾಕೆ ನಿದ್ದೆ ಬರ್ತಿಲ್ವಾ? ಹೊರಳಾಡ್ತಾ ಇದಿಯಾ!

ಹೆಂಡತಿ- ಇಲ್ಲ ಕಂಡ್ರಿ, ಕಸದ್ದೆ ಯೋಚನೆಯಾಗಿ ಬಿಟ್ಟಿದೆ.

ಗಂಡ- ಯಾಕೆ ದಿನಾ ಬೆಳಿಗ್ಗೆ ವಾಕಿಂಗ ಹೋಗುವಾಗ ತಗೊಂಡು ಹೋಗಿ ಅದೆಲ್ಲೊ ಬಿಸಾಕಿ ಬರ್ತಿದ್ದೆ.

ಹೆಂಡತಿ- ಹಂಗಲ್ಲರಿ, ಈಗ ಕಸ ಹಾಕೊ ಜಾಗ ಕ್ಲೀನ ಮಾಡಿ

ರಂಗೋಲಿ ಬೇರೆ ಹಾಕಿಡ್ತಾರೆ, ಹ್ಯಾಂಗರಿ ರಂಗೋಲಿ ಮೇಲೆ

ಕಸ ಹಾಕೋದು?

ಗಂಡ-ಅಷ್ಷೇನಾ, ಕಸದ ಗಾಡಿಗೇ ಹಾಕಿದ್ರಾಯ್ತು ಬಿಡು.

ಹೆಂಡತಿ- ಅದಲ್ಲ ಕಂಡ್ರಿ.

ಗಂಡ- ಮತ್ತಿನ್ನೇನೆ?

ಹೆಂಡತಿ -ಬೆಳಗ್ಗೆ ನಿಮಗೊಂದು ಕೆಲಸ ಹೇಳೋಣ ಅಂತಿದ್ದೆ.

ಗಂಡ – ಏನೇ ಅದೂ!

ಹೆಂಡತಿ – ಮತ್ತೆ, ಮತ್ತೆ ಮಹಾನಗರ ಪಾಲಿಕೆಯವರು ಕಸನ 

ಮೂರು ತರ ವಿಂಗಡಿಸಿ ಕೊಡಬೇಕು ಹೇಳ್ತಾರಿ, ಇಲ್ಲ ಅಂದ್ರೆ

ಕಸ ತಗಳಲ್ವಂತೆ.  ಪಾಂಪ್ಲೆಟ್ ಬೇರೆ ಕೊಟ್ಟಿದ್ದಾರೆ, ಓದಿಕೊಂಡು ವಿಂಗಡಿಸಿ, ಹಾಗೆ ಕಸದ ಗಾಡಿ ಬಂದಾಗ ತಗೊಂಡೋಗಿ ಹಾಕಿಬಿಡ್ರಿ.  ಹೇಗಿದ್ರೂ ರಿಟೈರ್ಡ ಆಗಿದಿರಾ,

ಫ್ಫೀಯಾಗಿದ್ದೀರಲ್ಲ.

(ಹೆಂಡತಿ ನಿರಾಳವಾಗಿ ನಿದ್ದೆಗೆ ಜಾರಿದ್ಲು, ಗಂಡನಿಗೆ ನಿದ್ದೆ ಹಾರೋಯ್ತ)☺