ಕವನ(20)

image

ನೀ ಆಗುವೆ
ಬೇರೆ ಹೇಗೆ?
ನಾನೂ
ಅನ್ನುವ ಪದ
ಈಗ
ನೀನಿಲ್ಲದೆ ಅದಿಲ್ಲ
ನನ್ನಲ್ಲಿ
ಸುತ್ತಿ ಬಳಸಿ
ಹೇಗೆ ಸಾಗಿದರೂ
ಮತ್ತಲ್ಲೆ ಅಂಟಿಕೊಂಡೆ
ಚಿತ್ತ ನಿನ್ನಲ್ಲಿ.
ಇಡೀ ದೇಹ
ನೀನೆ
ನನ್ನೊಳಗೆ ಆವರಿಸಿ
ನಾನೂ
ಎಂಬುದ ಮರೆಸಿ
ನೀನೆ ನಾನಾದೆ
ಈಗ ನಾನಿಲ್ಲ
ನೀನೆ!
18-1-2016. 4.03pm.

Advertisements

ಕವನ(19)

image

ಹಲೋ
ನೀ ಉಲಿಯೆ
ಒಂದು ಮಾತು
ಗಂಟೇನು
ಹೋಗೋದು?
ಇಲ್ಲಿ ಎಷ್ಟು
ಕಷ್ಟ ಪಡ್ತಿದೀನಿ
ನಿಂಗೇನಾದ್ರೂ
ಗೊತ್ತಾ?
ಒಮ್ಮೆ ಗೋಣು
ಎತ್ತಿ ನೋಡಿ
ಡಬ್ಬಾಕ್ಕೊಂಡುಬಿಟ್ರೆ
ಆಯ್ತಾ?
ಶಬ್ಬ ಸಿಗೋದು
ಯಾವಾಗ?
ನಾ ಬರೆಯೋದು
ಯಾವಾಗ?
ಅಯ್ಯೋ ದೇವರೆ
ಎಂಥವಳ
ಗಂಟು ಹಾಕಿ ಬಿಟ್ಟೆ
ಒಲಿಸಿಕೊಳ್ಳಲು
ಮಾಡಬೇಕು
ಅದೆಷ್ಟು ಕಸರತ್ತು!
15-12-2015. 11.42am.

ಕವನ(18)

image

ನೀ ನನ್ನ
ಹೊಗಳ್ತೀಯಾ ಅಂತಾಗಲಿ
ಅಟ್ಟಕ್ಕೇರಿಸ್ತೀಯಾ ಅಂತಾಗಲಿ
ನಾ ಬರಿತಿಲ್ಲ ಕಣೆ
ಅದು ಹಾಗೆ
ಪುಸಕ್ ಅಂತ
ಹುಟ್ಟಿಕೊಂಡುಬಿಟ್ಟಿದೆ
ನಂಗೇ ಗೊತ್ತಿಲ್ದೆ.
ಈಗ ಹೋಗು
ಅಂದ್ರೂ ಹೋಗ್ತಿಲ್ಲ
ಹಠ ಹೊತ್ತು
ಕೂತು ಬಿಟ್ಟಿದೆ
ಪಟ್ಟಾಗಿ ಚಕ್ಕಾಮಟ್ಟೆ ಹಾಕಿ.
ಏನು ಮಾಡ್ಲಿ ಹೇಳು
ಅದಕ್ಕೆ ಬೇರೇನು ಬೇಡ್ವಂತೆ
ನೀ ಬರಿತಿರು, ಬರಿತಾನೆ ಇರು
ನೀನೊಬ್ಬನೆ ಸಾಕು
ಹಾಯಾಗಿ ಸಂತೋಷದಿಂದ
ಕಾಲಕಳೆಯಲು
ಅಂತಾಳೆ ಕಣೆ:'(.
12-12-2015 12.48pm

ಕವನ(17)

image

ನಿನ್ನೊಂದಿಗೆ
ಸಾಕು ಎನ್ನುವ
ಮಾತೇ ಇಲ್ಲ
ಸದಾ ಬೇಕು ಬೇಕು
ಎಂದು ಹೃದಯ
ಉಲಿಯುತ್ತಲೆ
ಇರುತ್ತದೆ.

ಅಲ್ಲಿ ಒಂದೊಂದು
ವಿಷಯಕ್ಕೂ
ಒಂದೊಂದು ರೀತಿ
ಆಹ್ವಾನವಿದೆ
ಸತ್ಕಾರವಿದೆ
ಕೊನೆ ಮುಟ್ಟದ
ಅನಂತ ಪ್ರೀತಿಯ
ಸಾಗರವೆ ಅಡಗಿದೆ.

ನೀ ಎಂದೂ
ಉಲಿಯಬೇಡ
ಸಾಕು ಮಾರಿಯ್ತಿ!
ಮತ್ತದೆ
ಬೇಕೆನ್ನುವ ಹಂಬಲ
ನಿರಂತರ.
12-12-2015. 10.43am.

ಕವನ(16)

image

ಏನು ಮಾಡಲೂ ಬೇಜಾರು ಕಣೆ
ನೀ ಇಲ್ಲದ ಗಳಿಗೆ
ದಿನಕ್ಕೊಂದು ಕವನ
ಕಕ್ಕಿದರೆ ಸಾಕು
ಉದಯಿಸುವುದು
ಅರಿತಿರದ ಉತ್ಸಾಹ
ಹೇಗೆ?
ಗೊತ್ತಿಲ್ಲಪ್ಪ.

ಒಳಗೊಳಗೆ ಭಾರ
ಇಂದೇಕೊ ಬರೆಸಿಲ್ಲ
ನೀನೊಂದು ಕವನ
ಹೇಳಿದರೆ ನಾ
ನಿನಗಾಗೊ ತೊಂದರೆ
ಅದುಮಿಟ್ಟುಕೊಳ್ಳುವೆ
ಭಾವನೆಗಳ ಬೇಡಿಯಲ್ಲಿ
ಆದರೂ ಕಷ್ಟ ಕಣೆ
ಜೋರಾಗಿ ಒಮ್ಮೆ
ಕೂಗಿಬಿಡಲೆ
ನಿನ್ನ ಹೆಸರ?
ಕವನ…………
ಕೇಳಿಸುವುದಿಲ್ಲ ನಿನಗೆ
ಮತ್ತದೆ ಬೇಸರ!
10-12-2015 4.55pm

ಕವನ(15)

image

ಸುನಾಮಿಯ ಅಲೆಗಳು
ಆಗಸಕ್ಕೆ
ಚಿಮ್ಮುವ ತೆರದಿ
ಮುಗಿಲೆತ್ತರಕ್ಕೆ
ಹಾರುವುದು ಮನಸ್ಸು
ಶಬ್ದಗಳ ಭಂಡಾರದಲ್ಲಿ
ಒಪ್ಪವಾಗಿ ಜೋಡಿಸಿಟ್ಟ
ನಿನ್ನೊಂದಿಗಿನ
ದಿನಗಳಲ್ಲಿ!
10-12-2015 1.20pm

ಕವನ(14)

image

ಸಾಗಲಿ ನಿನ್ನ ಪಯಣ
ಸುಃಖವಾಗಿ
ನಿರಂತರವಾಗಿ
ಬಾನಂಗಳದ ತುಂಬ
ಚುಕ್ಕಿ ಚಂದ್ರಮನ ಬೆಳಕು
ಸದಾ ನಿನ್ನೊಂದಿಗಿರಲಿ
ಕಂಗೊಳಿಸುವ ಕಣ್ಣು
ತುಟಿಯಂಚಿನ ನಗು
ಬರೆಯುವ ಕೈಗಳಿಗೆ
ಸದಾ ನೀ ವರ ನೀಡು
ನಾನೂ ಸಾಗುವೆನು
ನಿನ್ನೊಂದಿಗೆ
ನಿನ್ನ ನೆರಳಾಗಿ
ಮಿಂಚು ಬಳ್ಳಿಯಾಗಿ!
1-10-2015 11.00am.