ಶಿವಮೊಗ್ಗ ಜಿಲ್ಲೆಯ ಉದಯೋನ್ಮುಖ ಕವಿ ಶ್ರೀ ಅ.ನಾ.ಕೃಷ್ಣನಾಯಕರವರು ನನ್ನ ಲೇಖನ ಸಂಗ್ರಹ ಪುಸ್ತಕವನ್ನು ಕೊಂಡು ಓದಿ ತಮ್ಮ ಅಭಿಪ್ರಾಯ ಅನಿಸಿಕೆಗಳನ್ನು ಹೀಗೆ ವ್ಯಕ್ತಪಡಿಸಿದ್ದಾರೆ. ಓದುವ ಮನಸಿಗೆ ತುಂಬು ಹೃದಯದ ಧನ್ಯವಾದಗಳು.
************
ಮನಸೇ ನೀನೇಕೆ ಹೀಗೆ !
ಬರಹಗಾರ್ತಿ ಶ್ರೀಮತಿ ಗೀತಾ ಜಿ. ಹೆಗಡೆ ಕಲ್ಮನೆ ಇವರು ಮಲೆನಾಡಿನ ಮಗಳು. ಮೊದಲಿನಿಂದಲೂ ಪತ್ರಿಕೆಗಳಲ್ಲಿ ಲೇಖನ ಬರೆಯುವ ಹವ್ಯಾಸವನ್ನು ಬೆಳಿಸಿಕೊಂಡ ಬರಹಗಾರ್ತಿ. ಇವರು ಬರೆದಿರುವ “ಮನಸ್ಸೇ ನೀನೇಕೆ ಹೀಗೆ ” ಮನಸ್ಸಿನೋಡನೆ ಮಾತಿಗಿಳಿದು ಬರೆದಂತ ಲೇಖನ ಸಂಗ್ರಹವನ್ನು ಕೊಂಚ ತಡವಾಗಿಯೇ ಕೈಗೆತ್ತಿಕೊಂಡಿದ್ದೆ. ಹಾಗಾಗಿ ಪುಸ್ತಕ ಬಂದು ತಲುಪಿದ ಬಹು ದಿನದ ನಂತರ ಈ ಪುಸ್ತಕದ ವಿಚಾರವಾಗಿ ಒಂದೆರಡು ಮಾತುಗಳನ್ನು ಬರಹದ ರೂಪದಲ್ಲಿ ಹಂಚಿಕೊಳ್ಳಬೇಕು ಅನಿಸಿತ್ತು.
ಮೊದಲಿಗೆ ಈ ಪುಸ್ತಕದ ಲೇಖಕರಾದ ಅಕ್ಕ ಗೀತ ಜಿ ಹೆಗಡೆ ರವರಲ್ಲಿ ತಡವಾಗಿ ಅನಿಸಿಕೆಯನ್ನು ಹಂಚಿಕೊಳ್ಳುತ್ತಿರುವುದರಿಂದ ವಿಷಾದಿಸುತ್ತೇನೆ.
ಈ ಪುಸ್ತಕಕ್ಕೆ ಮುನ್ನುಡಿಯನ್ನು ಶ್ರೀಯುತ ಕವಿಗಳಾದ “ಮುದಲ್ ವಿಜಯ್” ಗುರುಗಳು ಬಲು ಸೊಗಸಾಗಿ ಬರೆದಿದ್ದಾರೆ. ಜೊತೆಗೆ ತಾವೇ ಆಶಿಸಿ ಕೇಳಿ ಆಶಯ ನುಡಿಯನ್ನು ಕಾಳಾನಾಯಕ್ ಸಾಹಿತಿಗಳು ಬರೆದಿದ್ದಾರೆ. ಹ್ಹಾ.. ಬಹುದಿನದಿಂದ ತಾವು ಪತ್ರಿಕೆಗಳಲ್ಲಿ ಬರೆದ ಲೇಖನವನ್ನೇ ಪುಸ್ತಕ ರೂಪವಾಗಿ ಹೊರತರಬೇಕೆಂಬ ಬಯಕೆ ಲೇಖಕರಲ್ಲಿ ಬರುವುದು ಸಾಮಾನ್ಯವಾದರು ಅದರೊಳಗಿನ ಭಾವ ಜೀವದ ಮಣಿಗನನ್ನು ಕಣ್ಣಾಯಿಸಿ ನೋಡಿದಾಗ ಮನಸ್ಸಿನೊಳಗಿನ ಅದೆಷ್ಟೋ ಬಗೆಬಗೆಯ ಹೊಯ್ದಾಟಗಳು ಅದೆಷ್ಟೋ ಬಗೆಯಲ್ಲಿ ಮನುಷ್ಯನ ಬದುಕಲ್ಲಿ ಹೇಗೆ ಬಗೆ ಬಗೆಯ ಕವಲುಗಳನ್ನು ವಿಕಸಿಸಿ ಕೆಲವೊಮ್ಮೆ ನೋವು, ದುಃಖ, ಬಳಲಿಕೆ, ಪರಿತಾಪ, ವೇದನೆ, ಪಚ್ಛಾತ್ತಾಪಗಳ ಜೊತೆಗೆ ಹಾಗೆಯೇ ಸುಖ, ಸಂತೋಷ,ನೆಮ್ಮದಿ,ಲವಲವಿಕೆ,ಕನಸುಗಳ ಕವಾಟ ತೆರಿಸಿ ಸರಿಯೋ,ತಪ್ಪೋ ಎಂಬ ಅರಿವಿನ ಕನ್ನಡಿಯ ಮುಂದೆ ತಮ್ಮನ್ನು ತಾನೇ ನೋಡಿಕೊಳ್ಳಲು ಪರಿಪಾಠವನ್ನು ಕಲಿಸುವ ಅರಿವಿನ ಹೂರಣವನ್ನು ತುಂಬಿ ಅಯ್ದುಕೊಳ್ಳುವ ಹೊಣೆಗಾರಿಕೆಯನ್ನು ಓದುಗರಿಗೆ ನೀಡಿದ್ದಾರೆ. ಇದು ಮನಸ್ಸಿನ ಮಾತು. ಮನುಷ್ಯನ ಮನಸ್ಸಿನ ಮಾತನ್ನು ಬಲು ಸೊಗಸಾಗಿ ಹೆಣೆದಿದ್ದಾರೆ.
ನಾಳಿನ ದಿನಮಾನದಲ್ಲಿ ತಮ್ಮಿಂದ ಇನ್ನು ಹೆಚ್ಚಾಗಿ ಸಮಾಜದ ನೋವು, ತಾರತಮ್ಯ,ವೈಮನಸ್ಸು, ಮೂಢನಂಬಿಕೆ ಹೀಗೆ ಹತ್ತಲವು ಅನಿಷ್ಟ ನಿಲುವುಗಳ ಬಗೆಬಗೆಯ ಲೇಖನವಾಗಲಿ ಮತ್ತಾವುದೇ ಬರಹವಾಗಲಿ ಕನ್ನಡಮ್ಮನ ಮಡಿಲಿಗರ್ಪಿಸಿ
ಕನ್ನಡದ ಹಿರಿಮೆ,ಗರಿಮೆಯ ಮಡಿಲು ತುಂಬಲೆಂದು ಕಿರಿಯನಾಗಿ ಹಾರೈಸಿ ಆಶಿಸುತ್ತಾ ಶುಭವನ್ನು ಕೋರುತ್ತಾ ಪುಸ್ತಕವನ್ನು ಕೊಂಡು ಓದಿ ಹಾರೈಸಿರೆಂದು ಆಶಿಸಿತ್ತೇನೆ.
ಇಂತಿ.. ಕಿರಿಯರಲ್ಲಿ ಕಿರಿಯನಾದ ಮಿತ ಮಾತುಗಾರ ” ಆನಾಕೃಷ್ಣನಾಯಕ್. “
ಪುಸ್ತಕಕ್ಕಾಗಿ ಇಲ್ಲಿ ಸಂಪರ್ಕಿಸಿ:
https://tejupublicationsonline.stores.instamojo.com/product/3021874/manase-neeneke-heege/
Sandhyadeepa.... 